اركب ايه؟ - اسأله الموقف

احنا جاوبنا على اسأله كتير هنا و على صفحتنا على الفيس بوك facebook.com/elmaw2afDotcom احنا جمعنالكوا معظم الأسأله و الأجابات. دور على سؤالك هنا. دور بانك تدوس Ctrl + F من على الkeyboard و اكتب المكان.  

سمحت عايز اروح شارع ذهنى الظاهر المتفرع من شارع رمسيس اية اقرب حاجة لية من شبرا؟

الموقف - El Maw2af

ممكن تركبى المترو وتنزل غمرة وتخرج  وتدخل شارع الظاهر ومن هناك تسال على شارع ذهنى

لو سمحتوا عايز اروح لدوران شبرا من الموقف العاشر و شكرا

الموقف - El Maw2af

حضرتك تركب للمرج ومن هناك المترو وتنزل محطة  الشهداء وتركب المترو التانى اتجاه شبرا وتنزل روض الفرج وتمشى خطوتين تبقا فى الدوران

او تركب اى حاجه لرمسيس ومن هناك اتوبيسات لشبرا

بس الاسهل والاسرع مترو الانفاق

لو سمحت, كنت عايز اروح مكان الجامعة الامريكية القديمة بالتحرير من الموقف العاشر او بالمترو المهم الاسهل, و شكرا

الموقف - El Maw2af

المترو وهتنزل محطه مترو انور السادات وهتلاقى سلم مكتوب عليه اتجاه الجامعه الامريكية

لو سمحت كنت عايزه اروح من الملك الصالح لرمسيس علما باني ماعرفش حاجه فالقاهره و لو هركب تاكسي هياخد وقت اد ايه و فلوس كام

الموقف - El Maw2af

من الملك الصالح ممكن تركبى المترو وتنزلى محطه اسمها الشهداء وهتركبى اتجاه المرج ولو تاكسى ممكن ياخد 20 او 25 على حسب الطريق وياخد من 20 ل 30 دقيقة وقت

ازاى اروح فندق فيرمونت النزهة مصر الجديده من الهضبه الوسطى المقطم

الموقف - El Maw2af

هتنزلى السيده عائشه ومن هناك ف عربيات صلاح سالم والسندباد هينزلك قدم فندق الفيرمونت النزهة شيراتون

لو سمحتوا كنت عايزه اعرف اروح وزارة الشباب والرياضة اللي في ميدان سفنكس من رمسيس ازاي؟

الموقف - El Maw2af

حضرتك هتركى اى حاجه لوسط البلد او المترو وتنزلى جمال عبد الناصر ومن قدام المحطه هتلاقى عربيات ميدان سفنكس وتسالى هناك على وزارة الشباب والرياضه

في طريقة تانيه لو خد سألموا تركبوا ميني باص ١٢١ من رمسيس بيوصل هناك علي طول

بعد اذنكوا قولولي اروح ازاي مستشفى هليوبوليس من حلوان

الموقف - El Maw2af

حضرتك هتركبى المترو وتنزلى محطه حلمية الزيتون ومن هناك هتاخدى تاكسى لميدان هيلوبوليس او ف عربيات قدام المحطه بتروح هناك

هو ازاي اروح الدقي وانا في عين شمس .. ياريت تسعدوني بسرعة 

الموقف - El Maw2af

ممكن تركبى المترو اتجاه حلوان وتنزلى محطه انو السادات وتغيرى اتجاه الجيزة وتنزلى الدقى

ازاي اروح الهضبة الوسطي الجامعه الحديثة من المهندسين بالضبط من ش أحمد عرابي

الموقف - El Maw2af

ممكن تركبى اى حاجه رايحه السيده عائشة ومن هناك للجامعه الحديثة وفى اتوبيسات كمان

لو سمحت ازاي اروح وادي دجله شيراتون من رمسيس او العباسيه

الموقف - El Maw2af

من العباسية او من رمسيس فى ميكروباصات بتقول شيراتون وصلاح سالم هتركب اى واحد وتقوله نزلنى عند وادى دجله

لو سمحت عايز اروح الحي السابع مدينة نصر من موقف العاشر اروح ازاي

الموقف - El Maw2af

فى من موقف العاشر عربيات للحى السابع ولو مفيش ممكن تركب اى حاجه رايحه كوبرى القبة ومن هناك عربيات السابع. او اركب رابعة وقوله شارع الطيران

لو سمحتو .. ازاي اروح دار الحرب الالكترونيه ؟ انا هركب مترو من المظلات وبعدين انزل فين بقا واكمل ازااي ؟؟

الموقف - El Maw2af

حتركبى وتنزلى العتبه وتغيرى اتجاه العباسية وتنزلى ارض المعارض ومن هناك تاكسى تقريبا ب 10 جنيه بالظبط

 مصنع شيبسي بالعبور ازاي من الجيزة

الموقف - El Maw2af

هتركب من المنيب اى حاجه موقف العاشر ومن هناك عربيات العبور وتقولو عايز انزل عند شركه شيبسى

لو سمحتم لو عاوزة اروح من موقف السلام للضاهر اروح ازاي ؟؟

الموقف - El Maw2af

حضرتك هتركبى لموقف العاشر ومن هناك اى حاجه رمسيس وتنزلى غمرة الشارع الى تحت الكبرى ده الظاهر لما تنزلى هتمشى 3 دقايق بالظبط

من فضلك عاوزه اروح مقر شركة  ادفعلي في مساكن شيراتون مصر ال جديده 

من رمسيس

الموقف - El Maw2af

من رمسيس تركب للجراج ومن هناك هتلاقى عربيات شيراتون بس مش عارف مقر الشركه فين بالظبط ممكن توصل وتسائل هناك

ان عايز اروح مساكن البارون تقريبا دي جمب مساكن سما القاهرة من رمسيس

الموقف - El Maw2af

هتركب من هناك اى حاجه موقف العاشر ومن هناك اى حاجه رايحه المنيب او حلوان او المعادى بيمشو على الدائرى وانزل البارون سيتى هى اسمها كده بعد برج سما

معلش ينفع اركب المترو

الموقف - El Maw2af

ممكن مترو لمحطة الزهراء ومن هناك اطلع على الدائرى واركب اى حاجه لموقف العاشر وقولو نزلنى سلم البارون

ازاي اروح روكسي من موقف عاشر مدينه نصر

الموقف - El Maw2af

هتركب للالف مسكن ومن هناك روكسى

لو سمحتم عاوزه اسال لو انا هنزل رمسيس من اتوبيس الاتحاد العربى سوبر جيت وعاوزه اروح المقطم اروح ازاى ؟

الموقف - El Maw2af

هتركب مترو للملك الصالح ومن هناك للمقطم او لو ملاقتش عربيات المقطم على طول .... هتركب من هناك للسيده عائشة ومن هناك للمقطم

وتقريبا ف اتوبيسات ف رمسيس للسيده عائشة على طول

اروح ازاي مستشفي الشرطه بالعجوزه، من مثلا شارع السودان، الدقي؟ 

الموقف - El Maw2af

اركبى ميكروباص لاقرب مترو و اركبى مترو و انزلى الدقى و اطلعى خدى تاكسى ب ٥-٧ جنيه بالكتير. او اطلعى ميدان لبنان و من هناك فى مايكروباصات رمسيس قوليلوا عند مسرح البالون و من هناك تاكسى ٥ جنيه بالكتير. 

عايز اورح الكلية الحربية عن طرق المترو انا ساكن في كلية الزراعة

الموقف - El Maw2af

هتركب مترو وتنزل محطه ارض المعارض ف المترو الثالث وتاخد اى اتوبيس او ميكروباص او مينى باص رايح المطار وتنزل الكليه الحربية

لوسمحت عايز اروح الدقي انا في الشيخ زايد

الموقف - El Maw2af

اركب اى حاجه لميدان لبنان و انزل خد تاكسى، او اركبى لأول محطه مترو و انزل اركب المترو لمحطه الدقى

متنساش لايك و شير لو ساعدناك

 https://www.facebook.com/elmaw2afDOTcom

Follow @elmaw2af