المجلس الثقافى البريطانى مكان كتير من الناس بتروحوه كل يوم علشان يخلصوا ورق و شهادات و توثيق و الأهم كورسات انجليزى. النهارده ها نقول لكم اسهل طرق ل(British council, Agouza) للمجلس الثقافى البريطانى او المعهد البريطانى زى مالناس بتسميه.
اسهل طريقه هى المترو
تركب المترو من اى محطه و تنزل الدقى
ها تطلع و تقف الناحيه الرايحه ناحيه قسم الدقى و بنك فيصل و كوبرى قصر النيل
و خد تاكسى ب ٥ او ٧ جنيه بالمكتير و دى اسرع طريقه.
و ممكن من الأوبرا تطلع تاخد تاكسى برضه
لو معاك شويه وقت
و فى موصلات ها تبقى مواصليتين من محطه الدقى برضه من نفس الشارع شارع التحرير ها تلاقى ميكروباصات و اتوبيسات اركب اى حاجه و قولوا قسم الدقى و من قسم الدقى تعدى لناحيه النيل (شارع النيل)
و خد ميكروباص الكيت كات (ها تلاقيها واقفه فى اول شارع النيل) و قول للسواق ينزلك قدام المجلس الثقافى البريطانى
لو بالعربيه
تعالا صحراوى، بعد بوابات القاهرة خد المحور باتجاه المهندسين، ماتنزلش ميدان لبنان و كمل فوق المحور، لما تلاقى نادى الزمالك على يمينك اخرج من اول فتحة يمين و امشى مع سور نادى الزمالك لشارع جامعة الدول العربية و خد اى U turn شمال و ارجع فى اتجاه كورنيش النيل - يعنى تخليك ماشى على اليمين - لغاية ما تلاقى مسرح البالون على يمينك و اخر المسرح تدخل يمين و تمشى 100 متر هتلاقى المركز على اليمين بعد اول تقاطع
192 شارع النيل، العجوزة
الدقي, القاهرة, مصر.
19789
و بالتوفيق
لو ساعدناك لايك و شير علشان نساعد غيرك
وصف هايل و دقيق و وصلني للمكان بالظبط، بجد من احلى الخدمات اللي شوفتها على النت... استمروا (y)
ردحذفالله ينور
ردحذفهوا شرح كويس بس لسه مش مجمع المنطقه علشان انا غريب
ردحذفلو انا جاية من دريم لاند اروح ازاي واركب اية؟
ردحذف